【直撃康城The LOHAS】日出康城The LOHAS商場開放第二階段 數碼娛樂區適合親子遊

期間限定區域「The LOHAS Collect」,由二十多間特色小店組成。

好多人都話康城有結界,仲流傳一句說話叫「日出康城,日落寶琳」,意思係日出時搭錯車入康城,要日落先出得返寶琳。最近The LOHAS 康城商場開放第二階段,有戲院、數碼遊樂專區,可以畀小朋友喪玩一輪,家長都少好多煩惱。

商場設有體能運動區,玩家可以邊踩單車邊為手機充電,另有計分板計算所消耗的卡路里。
除了單車之外有體感跑步遊戲,可同時四人遊玩,畫面上亦會計算已消耗卡路里。

第二階段開放新戲院之外,仲增設互動體能運動區,玩家可以踩單車消耗卡路里之餘,仲可以幫手機充電,玩家踩得愈快螢幕上嘅虛擬角色都會更快,令人踩室內單車都不失速度感。另外仲有LED遊戲擂台,配上體感元素就好似大型跳舞機,都算係小朋友放電之選。

除咗玩樂之外,商場設有期間限定區域「The LOHAS Collect」,二十多間特色小店及IG網店商場過萬呎開放範圍,有手沖茶、環保家品、有機產品社企等等。感覺好似一個大型市集一樣,而且裝潢充滿簡約風格,坐低飲杯手沖茶打卡都好適合。


雖然康城位置比寶琳更遠,不過而家交通愈嚟愈方便,地鐵5至10分鐘就有一班,而且新增設98B同797巴士線,出入亦都更方便。相信除咗住客之外,逐漸增加嘅遊玩購物設施都可以吸引唔少人流。


撰文:Jack

圖片:Jack攝、The LOHAS提供

八米高巨型LED幕牆,可以掃描人體身上的顏色後播放相應的影像,亦設有體感功能可以進行互動。
3米乘4米LED遊戲擂台,玩法似大型跳舞機,小朋友喪玩之選。

hd