任睇No.1
  • 29º
  • 64%
  • 2024年3月29日 星期五

【MALL樂哥】奧海城《迎福園遊會》 古色韻味打卡位

  踏入牛年Mall樂哥第一次同大家見面,首先祝讀者們身體健康、心想事成!新年期間,Mall樂哥一家人去咗奧海城參觀佢哋個《迎福園遊會》,扮吓古人着吓漢服,個活動至2月28日咋!未去嘅要把握機會體驗一下。奧海城今年精心打造佔地四千呎嘅古代街道場景及年宵市集,除咗大紅花燈老街、小橋流水荷花池及桃花樹打卡位,場內亦展示唔同款式漢服,並安排導賞員介紹漢服種類、特色及歷史背景,提供多重「學玩食買」體驗,而且場景古色古香,別具東方韻味。
  活動更特設新玩意「AR虛擬漢服照相館」,透過手機應用程式或場內平板電腦,體驗穿着漢服樂趣,鏡頭下你可以毫不費功夫地穿上特色漢服,不消幾秒時間,就能夠試穿各種清雅脫俗、色彩鮮艷漢服,相當適合一家大細體驗打卡,一同穿越到古代,站於綢緞店前嘅中式裝潢及優雅鏤空屏風前合照,享受如詩如畫風景美貌,迎接美好牛年。
  旁邊同時舉辦年畫展覽,誠意邀請畫風色彩偏向簡約平和嘅著名跨媒體創作藝術家水禾田(潘烱榮先生),以及多以細緻筆觸與多彩色調創作山水風景畫嘅當代水墨藝術家陳紫君小姐展出畫作,為新一年增添藝術氣息。大家途經「迎福園遊會」時,不妨慢慢細賞優雅中式裝潢,與摯愛親朋影相打卡留念。


hd