【MALL樂哥】食在時代廣場 Happy Dining獎賞

　　適逢政府放寬晚市堂食，Mall樂哥終於可以同家人及朋友去吓夜街「食好西」，銅鑼灣區嚟計，泊車最方便首推時代廣場，泊車位肯定最多，仲有泊車優惠亦最易攞，真係揸車人士最愛商場。

　　好消息係而家時代廣場進一步回饋顧客，加碼推出「Happy Dining Extra Rewards」優惠，由即日至3月7日期間，在商場以電子消費滿$800，並包括任何「食在時代廣場」及「食通天」食肆消費單據（最多可累積兩張於不同商戶之單據），獎賞即時加倍，可以額外換領$50購物優惠券兩張！

　　　而自2月起，時代廣場推出嘅春季「Happy Rewards推廣活動」因反應熱烈，現時至4月11日期間在商場商戶以電子消費每滿指定金額，並於網上登記成為會員（網址：timessquare.com.hk/member/index.php），仍然可以繼續換領購物優惠券或美食優惠券，逢星期二及日晚上6時後，以及逢星期四全日仲可享雙倍優惠券獎賞！

　　財爺派糖唔係話派得好多，都係時候自己諗吓點樣可以享受不同商場帶畀大家嘅優惠啦！所謂賤物鬥窮人，今晚一於去三希樓食餐正正川菜，呢間名店之前要去到半山先食到，交通唔方便，而家去時代廣場都有得食！最愛佢個水煮魚，絕對係全港最好味水煮魚頭三甲。轉頭再去Lady M朝聖買佢哋嘅伯爵茶千層蛋糕，據知好搶手經常售罄，想食到就要早啲去！