【MALL樂哥】 全城撐港隊！商場睇東京奧運直播好氣氛！

Previous Next

要感受全城撐港隊嘅熱熾氣氛，就梗係要帶埋屋企人去商場睇直播！齊齊見證到港隊嘅出色表現，「劍神」花劍選手張家朗拎到奧運金牌、「女飛魚」何詩蓓喺100同200米自由泳賽事中拎到銀牌、女子乒乓球團體賽反勝德國奪銅牌，同埋其他港隊成員喺好多賽事都成功打破咁多年以嚟嘅紀錄！
　　噚日朝早已經傳來好消息，香港代表劉慕裳出戰空手道個人形，以排名賽小組2名，點知最後仲攞埋銅牌，yeah！小弟下晝3點到場地單車女子半準決賽（18強），就同老婆、囝囡去將軍澳中心睇賽事直播，差唔多成一百人同我哋一齊睇。商場為咗同現場市民一齊同港將加油打氣，大派能量飲品，仲即場扭製不同造型嘅汽球畀現場觀眾，令場內氣氛推到高峰。
　　港隊代表李慧詩一出場，現場氣氛高漲，全場觀眾拍手歡呼。比賽開始，即刻同其他市民一齊大叫加油，幫佢哋打打氣。去到李慧詩衝線嘅時候，市民表現更加興奮，當佢以小組第1名入到準決賽（12強），有人振臂高呼，又有人揮動汽球同紙牌，全場熱烈祝賀港隊。雖然李慧詩未能擠身獎牌賽，但總名次排行第8，一樣好值得香港人驕傲。
MALL樂哥