• 2022年1月17日 星期一
  • 18º
  • 81%
  • facebook
  • Weibo
  • RSS

銅鑼灣聖誕好去處|皇室堡小丸子裝飾 利舞臺廣場梅艷芳展

皇室堡設小丸子聖誕舞會主題裝飾
  香港地過聖誕不嬲都大把好節目,想感受吓商場嘅節日氣氛又點少得皇室堡!由即日起至2022年1月9日於銅鑼灣皇室堡、銅鑼灣地帶同東角LAFORET 3大商場隆重舉行冬日舞會,連同小玉、野口、花輪、小渚、杉山及大野6位同學仔,喺充滿佳節氣氛嘅舞會宴會廳,為大家打造冬日派對,齊齊歡度聖誕!如果仲嫌未夠,今次仲請咗日本名模兼造型師今野晴也Hallelujah專程為各位角色度身打造的禮服形象,華麗之餘亦超級可愛!肯定成為打卡熱點!
梅姐粉絲去利舞臺過烈焰紅唇聖誕
  電影《梅艷芳》最近上映,利舞臺廣場今年聖誕為咗隆重其事,由即日起呈獻《Lee Theatre Presents Christmas Rouge x Anita》,粉絲們可遊走於利舞臺廣場矗立嘅華麗閃爍Music-Go-Round旋轉光影旅程裝置、禮頓中心期間限定Diva梅艷芳Gallery重溫百變天后梅艷芳演藝點滴同埋新上映電影《梅艷芳》嘅花絮。各年齡層嘅觀眾們都可以穿越時空,一齊見證香港女兒梅艷芳(Anita Mui)留下嘅傳奇故事,見證梅姐廣東歌嘅轉變同埋傳承,共同留下時代印記。另外,新加盟利舞臺食肆古琴雅苑推出梅姐名曲入饌的主題套餐,值得推介畀咁多位梅姐粉絲。
MALL樂哥







hd