商場活動|和風祈願開運祭 動物御神籤登場
更新時間:00:00 2022-01-25
發佈時間:00:00 2022-01-25
發佈時間:00:00 2022-01-25
講起新年,最多人提嘅一定係「福」字啦!香港人「鄉下」講起祈福就係日本神社,恒基兆業旗下商場沙田中心、沙田廣場同屯門時代廣場由即日到2月20號搞咗個和風祈願開運祭,邀請日本旅遊達人啦兒打造5款全新立體御神籤。其中有2.5米高嘅巨型萌虎御神籤係放大咗近30倍,仲參考咗京都建仁寺勝利之神設計。今次御神籤展覽一次過展出啦兒逐個收集返嚟嘅30個限時限量珍藏,好值得去睇睇。
聽講啦兒喺京都留學咗一年,所以對日本傳統文化好有興趣,去到每間神社都會求御神籤。因為立體御神籤唔係周圍都有,所以見到就要買嚟做收藏,之後就做咗稀有御神籤收藏家。今次「環日御神籤珍藏展」嘅30件珍藏嚟自唔同年代、唔同地方、唔同神社,當中仲有包括限時限量推出嘅12生肖系列同絕版珍藏。小弟都想帶兩個囡去睇吓,話晒最近冇得去日本,都可以畀佢哋欣賞吓獨特嘅御神籤同當地文化。沙田中心同屯門時代廣場仲準備咗「萌虎神社祈願の旅」,畀大家用御神籤設計屬於自己嘅賀卡,可以送畀親朋戚友就最啱啦!
MALL樂哥
最Hit
51歲鄭秀文突自爆做「高齡產婦」!去年因病停工神隱 曾指許志安堅拒要小孩
2024-04-18 20:00
50歲蒙嘉慧「幸福肥」又再飆升!紮穩馬步露臂劈柴:冇乜可能會瘦得返
2024-04-18 23:00
$1000/日體驗做洗碗工 港男被餐廳額外安排2工作感「崩潰」開工後哭訴:不是人做的
2024-04-18 19:08