藝術裝置有咩陷阱|推介安心放電商場

Headlife
更新時間:17:41 2022-05-24
發佈時間:17:41 2022-05-24

逛商場都只係想輕鬆啫,無諗過唔小心就會整爛啲藝術品要賠錢,究竟行商場見到啲藝術裝置,有冇咩要特別留意呢?其實,好多藝術裝置放得響共享空間,人流又多嘅地區,藝術裝置必須夠穩陣,不容易破壞及不會損害他人,理應不會存在今次小朋友「挨跌5萬蚊」呢種問題。

如果該藝術品是屬於短期展覽及容易損壞的類型,商場會利用圍欄或把它展示在合適的館內,以K11 Art Mall為例,很多較causal的展覽會利用到地庫空間及中庭位置,如果是貴重的展品便會放在較安全的地方,就像早前他們曾舉辦「AAX Trends: Apes. Pixels. Gods.」NFT Pop-up,則會選擇放在一樓的店鋪位置,主要是安全問題,參觀人士在特定的場地亦會顯得小心,其實對藝術品亦有雙重保障。

留意有冇「不可觸碰」字句

商場內很多藝術品是短期性質,例如旺角MOKO新世紀廣場、東涌東薈城等,在中庭位置定期有活動,前者在去年年尾曾設置「miffy 北歐冬雪藝術村」,所見的Miffy家族造型公仔都供市民「任」坐「任」影,基本上不存在任何危險情況,所以平時行商場見到有開放式展覽其實又唔使驚,因為有主題性的展覽一定是專為大眾而設,不需要賠上任何負責,除非是展品寫明「不可觸碰」字句,咁就要小心了。

再睇返今次小朋友中招呢間KKplus位於朗豪坊,嚴格來說是一間以展覽形式去出售玩具的商鋪,因此並非在公共空間,所以家長在陪同小朋友逛這類型商店,的確需要自行去管理。建 議如有必要逛這種展品昂貴的地方,應該時刻拖着小朋友,以免引起不必要誤會或產生危險。

推介以下放電商場

最後,如家長想帶小朋友去放電,不妨考慮下列的商場,其附設的遊樂設施可讓小朋友玩得開心,亦不存在危險整爛嘢問題:

MOKO PARK
MOKO PARK
  1. 旺角MOKO動樂園:4月21日這個玩樂設施已重開,這個室外的樂園佔地近二萬尺,真係可以玩足幾個鐘,裡面有攀爬的活動牆又有探索隧道與滑梯,諗到都想去!
  2. 沙田新城市廣場史樂比開心世界:最多粉絲鍾意嘅史樂比園地,裡面有史諾比大屋、花生校園、獨木舟探趣、壘球遊樂場及花生大道等,比較適合年紀細嘅小朋友。家長又可以行商場,玩餐飽。
  3. Element圓方平台遊樂場:好多家長都唔知,唔少商場都有平台遊樂場俾小朋友玩,Element係其中一個,其他仲有油塘大本營空中花園、葵芳新都會廣場歷奇公園、荃灣廣場的太空樂園等,其實視乎家長想行咩商場,一般都搵到可以「寄托」之所。