3+4實施｜嚴選香港最舒適隔離酒店

Headlife

更新時間：18:36 2022-08-09
發佈時間：18:36 2022-08-09

新消息，今個星期五開始「3+4」檢疫政策將實施，意思係由8月12日起，抵港人士的酒店檢疫隔離日數正式改為「3＋4」，三天的酒店隔離、四天的醫學監察，而所謂醫學監察的意思，其實係可以外出的，包括咗乘搭公共交通工具及返工，但卻不能進入食肆、健身室、美容中心等場所。另外，抵港人士在抵港當日及第二、四、六、九日，都需要在機場、酒店或檢測中心等進行核酸測試。好了，姑勿論檢測的措施有多麼繁複，其實對一眾已經兩年幾冇出門嘅香港人嚟講，已經係天大喜訊，立即買機票睇下去邊度玩。

機票買完，酒店又訂完，接下來又係選擇「隔離酒店」既時候，其實第八輪指定檢疫酒店係由即日起至10月31日，如果以目前嘅記錄嚟睇，第七輪檢疫酒店於去年12月31日公布，共有44間酒店，提供約12,500間房間，而預約期限係直至今年7月31日。所以緊接就係第八輪（即目前）的名單，一共有62間酒店列入名單中。所以由第一輪開始，一直見到檢疫酒店的數目不斷地遞增中，提供的客房多咗，訂酒店相對較容易。

如果大家打算暑假快閃一個台北或東京，咁就要快手訂檢疫酒店，目前所剩已好少，當中比較舒適嘅，有以下幾間︰

位於旺角上海街的香港康得思酒店（Cordis Hong Kong），平均約$1,500一晚，地點都算好，房間景觀開揚，三晚埋單係$4,500，都算係支付得起。
五星級嘅朗庭酒店（The Langham Hong Kong），客房空間大啲住得舒服少少，園景房由$1,750起，即$5,600蚊左右住三晚，舒服啲，離開時候又方便啲。
若然大家又再豪得起啲，香港置地文華東方酒店（The Landmark Mandarin Oriental HK）就仍然為大家門常開，$3,600一晚，講明話有兩道菜午餐、三道菜晚餐，在酒店房豪食三晚都冇咩問題丫。

以上幾間酒店，暫時八月份至十月份都仲有位，要訂就要快手啦。至於買咗機票11月或打後嘅朋友，記得密切留意返政府嘅分佈。

查詢︰https://www.coronavirus.gov.hk/chi/designated-hotel.html

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ