周末好去處｜挪亞方舟活動門票買1送1 3大工作坊體驗沙灘夢幻日光浴

Headlife

更新時間：13:44 2022-08-11
發佈時間：13:44 2022-08-11

夏日炎炎，又係時候睇下有咩好推介的周末好去處了。香港挪亞方舟將於8月13日起，每個周末舉行「盛夏Chill住玩」活動，有多個工作坊可參加，仲有租賃沙灘用品服務，一邊欣賞青馬大橋靚景，一邊歎日光浴最好不過。現時訂票仲有優惠，身分證號碼連續有「25」人士可買1送1，一般遊客則可買2送1。今個夏日一於好好享受馬灣小島遊！

3大手工體驗
「盛夏Chill住玩」活動設有3個工作坊，小朋友、大人都啱玩。果漾特飲蠟燭DIY，可以畀你自製維妙維肖的消暑特飲蠟燭，更可發揮創意，放入天然果漾材料，調較出你的專屬「特飲」藝術品；或者整個手工雪糕泡泡浴球，玩味十足，更可從中學習S.T.E.A.M物理化學小智慧；亦可試下近年大熱的戳戳繡工藝，細意繡出以「夏の果物」為主題的可愛杯墊，享受慢活文青時光，製成品更可為家居添上大自然氣息。

夢幻系日光浴
參加完工作坊，最好同閨密一齊去海邊散步、影相。「盛夏Chill住玩」活動設有沙灘用品租賃服務，包括太陽傘、沙灘椅、充氣梳化床等，歡迎一眾想擁抱陽光與海灘的遊客享用，兼影埋打卡靚相。

小朋友專屬
活動仲有萌趣動物騎騎樂，小朋友可騎上Q版動物電動車，猶如穿梭森林之間，來個開心大暢遊。仲有全港首個大自然主題光影互動展館e-Planet夢想星球，設有森林、海洋、四季、未來城市4大展區，透過光影、音效技術，體驗大自然生態。最後去埋空中奇遇索道，鍛鍊膽量之餘，仲可一邊體驗極速穿梭快感，一邊飽覽埋馬灣海峽的壯觀景色。