便利店掀預購熱｜日本便利店點解咁多服務香港點解冇

Headlife

更新時間：10:15 2022-09-22
發佈時間：10:15 2022-09-22

唔少人鍾意儲印花換禮品，除咗超市，都會留意便利店換購嘅產品，最近7-11嘅7仔預購系列就推出小熊維尼Keyboard同無線滑鼠，預購價都唔係太貴，分別係$399及$198。另外仲有Kakao Friends及鬆弛熊陶瓷砂鍋等，預購辦法好簡單，網上download個Bar Code帶去俾7-11店員幫你Scan咗佢，付款，然後在指定日期返去同一間門市取貨就得。

要留意返今次Keyboard預購日期係2022年9月21日上午7時起至10月4日，取貨日期則是2022年11月1日上午7時至2022年11月7日。

便利店換禮物咁方便，令人不禁想起，之前响日本嘅便利店都有好多服務，香港始終都係冇，例如「宅急便」（速遞）嘅服務，事實上响香港速遞服務冇人會响便利店搞，原因可能係日本地方大，有好多偏遠村落根本就搵唔到郵局或者速遞公司上門收件，居民開車去便利店相對就更加方便。

另一種香港便利店冇嘅服務就係洗手間啦......又係嘅，香港人點會走去便利店借廁所呢，香港鋪租咁貴，要整一個廁所不如整一個小食部好過啦，借廁所不如入商場啦。

另外，ATM、影印服務、買門票呢啲......香港嘅便利店都係礙於地方太細好難容納呢種機器，而又ATM本身都咁多......完全冇必要增設在便利店入面。所以因為地域及文化差異，香港便利店能夠做嘅已經都唔少，所以唔好再比較太多啦。

不過，小編都係覺得，如果香港嘅便利店，冬天出售關冬煮......咁係會好吸引嘅！

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ