荃灣廣場 春日開運花園 一家全日玩不停|Mall樂哥

■20米長「幸福開運長廊」日夜都咁吸引。

每年呢啲時候都會帶住啲小朋友去行吓影吓啲賀年裝飾擺設趁吓熱鬧,但係Mall樂妹妹嘅要求越嚟越高,結果上星期就帶咗佢哋去荃灣廣場玩。

佢哋果個20米長嘅佈置每年都好得意,Mall樂妹妹貪佢唔止係一個裝置咁簡單,沿住裝置一路行牆上面啲裝飾都有變化,而且韓國著名設計團隊CIRCUS BOY BAND創作嘅粉紅小兔Tokee Pink同白色小兔Tokee White都好得意。呢日啱啱開始有「藝遊春日」活動,現場仲有音樂匯演、雜耍演出、藝術攤位同手作工作坊等等,Mall樂姐姐同妹妹都估唔到個空中花園有咁多活動,證明我揀啱地方啦!

玩到入黑Mall樂妹妹突然間嘩嘩聲叫,原來日頭個「雲之隧道」入夜亮燈後變成「光影星之道」會咁有睇頭:由粉嫩色系燈飾配上可愛度十足的獨角獸、甜品、禮物等霓虹燈作點綴,加埋另一邊嘅唯美浪漫桃花園,Mall樂妹妹直頭唔捨得走呀!
開放日期:即日起至2月19日
開放時間:早上10時半至晚上10時
地點:荃灣廣場L5空中樂園

MALL樂哥■「光影星之道」會係情人節其中一個最吸引嘅打卡景點。

■「光影星之道」會係情人節其中一個最吸引嘅打卡景點。

標籤: 頭條日報

hd