【小心增肥!】天天飲珍珠奶茶血漿變豬油膏!?除咗珍珠奶茶呢幾款飲品都不容看輕!

夏天又嚟到,大家一定會喺炎炎夏日之下買杯珍珠奶茶嚟消暑。不過真係要小心,早前在浙江就有一運動健將在半年間天天將珍珠奶茶當水飲,之後某天突然肚痛,睇醫生後先驚覺自己血液變成乳白色豬油狀,亦足足肥了54公斤。究竟珍珠奶茶有幾肥?今次就跟大家解構一下珍珠奶茶和其他台式飲品的危險真相!


珍珠奶茶熱量超高!

根據家營營養中心提供嘅數據顯示,一杯500mL的珍珠奶茶保守估計都有約350至400kcal及20g脂肪,可見熱量及脂肪含量相當之高,以一個中等身型成年女性每日2,000kcal攝取上限計算,一杯珍珠奶茶已佔了5分1的份量!


另外除了珍珠奶茶,其他台式飲品亦都不容忽視!以同樣人氣的500mL奶蓋綠茶和抹茶牛奶為例,奶蓋綠茶有約200至300kcal及10g脂肪;而抹茶牛奶則有約300至350kcal及15g脂肪,與珍珠奶茶的熱量及脂肪量相差無幾!


飲得多珍珠奶茶唔止肥咁簡單!更會引發嚴重疾病!

當然你可以話肥少少唔驚,但以文首提及浙江男子一例可見,狂飲珍珠奶茶不單止在半年內肥了54公斤,更令他有急性胰腺炎及有糖尿病。根據醫生報告,他的三酸甘油酯比正常人超出20多倍,總膽固醇超標4倍,血脂肪隨之急速上升,形成血管硬化。由此可見,飲得多珍珠奶茶唔係肥咁簡單,更加會嚴重損害身體健康,引發嚴重疾病!


當中不得不提珍珠奶茶及大部分的台式飲品灸除了加添大量糖份,更加添大量奶精,即椰子油。椰子油含大量飽和脂肪酸,促進肝臟產生大量膽固醇,這就是浙江男為何飲多珍珠奶茶會膽固醇超標、血管硬化。

營養師黃鶯建議大家應節制飲用珍珠奶茶

營養師建議咁飲珍珠奶茶...

不過講到咁恐怖,唔通就唔可以飲珍珠奶茶?營養師黃鶯就建議大家都可以飲珍珠奶茶,但就要有節制咁飲,偶爾飲用如一個月兩次,對健康或減肥的影響其實都不大。


另外我們亦可主動要求少糖或無糖、用脫脂奶代替全脂奶,熱量便可減少50至100kcal不等,在這情況下,飲珍珠奶茶就相對健康啲啦!



hd