【新App試玩!】 「Photoshop Camera」影相App一鍵即可影出唯美星空及日系人像!逾80款高質濾鏡有排玩!

Adobe出的Photoshop向來都係P圖軟件的始祖,而家佢推出「Adobe Photoshop Camera」影相App更加係將佢世界級P圖效果移至手機(IOS/Android)上面。小編一開始聽到Photoshop都會心諗會唔會好難用,但點知原來只需要撳個掣就可以將啲相變成星空、美顏唔同效果,真係好正!


「Photoshop Camera」App裡面有超過80款不同的濾鏡畀你慢慢玩,由P天空到人像都無問題!小編就以公司附近的地盤景測試,原本只是平平無奇的景色,但經過星空效果,佢將自動偵測到的天空部分秒變星空,效果超像真,令同一個地方變成了超夢幻、好似電影一樣的場景!當然除咗星空濾鏡,仲有好多唔同嘅天空濾鏡可以玩!


「Dappled」可營造樹影陽光效果,輕鬆拍出日系雜誌相!

至於人像方面,「Photoshop Camera」App一樣有唔少濾鏡可以玩,其中小編就試玩了「Neon Pulse」和「Dappled」,後者「Dappled」可營造樹影陽光效果,將背後普通的背景秒變得像日系雜誌相般唯美!相機濾鏡更不少得美顏效果,毛孔即時不見了,就連頭髮都好像沒有原本那麼毛躁!


(左)「Neon Pulse」濾鏡幫你影出TeamLab feel~(右)每款濾鏡更分有不同款式,只要向左掃就可以轉換下一個款式

而「Neon Pulse」濾鏡小編也超鍾意,可以影出好似TeamLab嗰種點點星光嘅相,喺任何地方都影到真係超輕鬆!而且每款濾鏡更分有不同款式,只要向左掃就可以轉換下一個款式。


最後玩完濾鏡唔好以為就咁完,你仲可以再細緻調節照片的光暗、對比、陰影,調到張相啱晒你心水為止!只能說呢個「Photoshop Camera」App功能太強大!


hd