• 2022年1月23日 星期日
  • 20º
  • 86%
  • facebook
  • Weibo
  • RSS

電競喇叭|Panasonic掛頸式 睇戲360度包圍 電競亞洲冠軍:Online對話消噪勁

Panasonic針對電競用家,推出掛頸式喇叭,具有收音咪功能,方便用家對戰時對話。

Panasonic針對電競用家,推出掛頸式喇叭,具有收音咪功能,方便用家對戰時對話。
近年電競運動成為不少人談論的話題,香港也孕育不少出色的電競選手,並為港爭光奪得多個獎項,令人對打機無益的傳統印象逐漸改觀。
 
而市面上有關電競的產品也如雨後春筍,種類亦愈見繁多,不單只一般的電競桌、椅、顯示器及滑鼠等,當中有電競用品品牌Razer更因應疫情,特別推出電競專用的口罩,過濾功能達到N95級,而且口罩中間位置設有窗口位,可讓外界看到用家口型,兩側更設有燈光效果,早月推出時便立即售罄,打機,其實也十分著重防疫衛生。
 
而Panasonic早前也為電競選手推出專用喇叭,採用掛頸式設計,內置有四個發聲單元,加上True MAGESS音效,不再緊罩雙耳之餘,更可聽到遊戲中不同方位的聲音。
 
廠方表示這款掛頸電競喇叭,是與FINAL FANTASY的開發團隊SQUARE ENIX合作開發,特別適合用於RPG(Role Playing Game)、FPS(First Person Shooter)及冒險遊戲。
 
為測試這款掛頸電競喇叭,找來曾奪得《皇室戰爭》的亞洲冠軍何浩楠 (Aaron),看看表現如何。「玩完一舖之後,其實個投入感都幾高,完全唔可以同其他百零元喇叭相比,完全係超水準,呢個喇叭畀我既感覺係較為自然,我比較少用掛耳式喇叭,掛耳式耳機就用得多,暫時黎講,今次呢個電競喇叭,畀我既感覺比較自然,唔會有夾硬的感覺,因為電競音樂與平時聽歌不同,電競的音效聲會比較嘈吵,呢個喇叭都做得比較足。」
 
過往主要使用耳罩式耳筒既Aaron,對於採用掛頸式設計的電競喇叭,評價不錯。「戴住個頭套式耳機,幾䟴耳,個人會好辛苦,所以依家出咗呢款喇叭,我覺得係方便左好多實況主,完全唔使笠住個頭,戴起上嚟真係好辛苦,尤其戴超過兩個鐘,隻耳仔就會紅鬼晒。」
 

 

曾奪得《皇室戰爭》亞洲冠軍的何浩楠 (Aaron),試用Panasonic推出的掛頸電競喇叭後,表示投入感相當高,不可與百多元的喇叭相比。

曾奪得《皇室戰爭》亞洲冠軍的何浩楠 (Aaron),試用Panasonic推出的掛頸電競喇叭後,表示投入感相當高,不可與百多元的喇叭相比。

Aaron指掛頸式設計的電競喇叭,相比戴頭套式耳機舒服得多,「依家完全唔使笠住個頭,頭套式戴起上嚟真係好辛苦,尤其戴超過兩個鐘,隻耳仔就會紅鬼晒。」
Aaron指掛頸式設計的電競喇叭,相比戴頭套式耳機舒服得多,「依家完全唔使笠住個頭,頭套式戴起上嚟真係好辛苦,尤其戴超過兩個鐘,隻耳仔就會紅鬼晒。」
不過,Aaron對喇叭的收音表現則有點擔心,「不過我都有少少擔心,用呢個喇叭會撞咪,因為頭戴式耳機係笠住個頭,唔會收到你耳機既音樂,呢個就唔同,如果支咪就係隔離,或者傾緊電話,就絕對會收到音。」為消除Aaron的擔心,筆者與Aaron進行網上對話,期間Aaron一面進行遊戲及播放音樂,結果是Aaron在進行遊戲及播放音樂時,身處房外的筆者,幾乎完全聽不到任何雜音,並能與Aaron清晰地進行交談,可見其消噪功能十分出色。
 
雖然收音表現也合格,但Aaron似乎競喇叭仍有點不滿,「其實打機好多時候都會用右手,如果要用右手較大細聲,我覺得掉返轉會好好多。」原來如此,但Aaron對電競新產品有何看法?「如果俾我揀,我一定係戴呢種,因為頭先我都講過,大耳筒戴兩個鐘就會好攰,除此之外,戴耳筒最大分別係,喇叭的私隱度可能會較低,但係你可以聽到外面發生咩事。」
 
其實Panasonic這款掛頸喇叭,不但只限於電競用,還預設有music及cinema模式,「因為平時耳筒會塞住對耳仔,塞得耐都會唔舒服,但係呢個掛係條頸度好舒服,而且啲聲360度圍住我轉,好有睇戲既感覺。」另一試用者WingYee表示。
 
而另一試用者吉吉則稱:「頭先我就睇左套電影,覺得其實音色無入耳式或headset咁好,可能限於尺寸問題,低音的確麻麻地,好似長期都有兩個電腦喇叭播緊既效果,不過有一樣野好好,就係個環迴效果做得好好,例如飛機由左至右飛過,真係聽到個路線,呢個我覺得幾好。可能佢本身定位係電競選手用,音色方面未去到HIFI級數,優點係幾新穎既設計,如果加入按摩功能就真係會大賣,如果做到無線既話,相信都係一個我會買既條件。」

標籤: Panasonic 電競 喇叭

hd