星級女司機|鍾嘉欣自認手車差 17歲加國考車牌幾乎未揸過 一原因決心苦練

更新時間:12:00 2022-11-24
發佈時間:12:00 2022-11-24

藝人鍾嘉欣上月底宣布在加拿大誕下第三胎,細女取名Anika。嘉欣發放B女新相後,近日又再發文,並附上近照,見她「卸貨」半個月已極速收身,四肢非常纖細,身形相當Fit,有網民讚她比以前更苗條呢!

鍾嘉欣自幼在加拿大出生及長大,加拿大地方大,通常出入都要揸車,不少回流人士都說早在加拿大已練得一手好車。然而,鍾嘉欣卻相反,在加拿大考完車牌後幾乎沒有揸過車。為何呢?

原來事緣她在考車牌前兩日,鍾爸爸在山坡上教她泊車,她卻因為把油門當煞車,把前面車尾撞凹,令她留下陰影,所以有十幾年沒有揸車。她指拍《溏心風暴》,有場戲拍她揸車、停車、落車、跑,她當時以為自己做得到,但當她落車後,她就忘記按泊車掣,於是架車繼續走,差點就撞到攝影師,幸好場務立即跑上開車門踩住剎車掣。這些事情都令嘉欣不敢再揸車了。

不過,鍾嘉欣近日在個人頻道上載新影片,揸車時自爆技術很差,但現在到溫哥華揸車載小朋友出入,才決心再揸車。