大棠喪屍跑 | 人喪追逐賽玩到癲

萬聖節去跑步,好普通啫,但估不到元朗人玩得最癲,話說保良局賽馬會大棠渡假村將於今年萬聖節的周六,推出大棠喪屍跑Tai Tong Zombie Run,俾個機會大家去角色扮演,參加者分別可飾演「人類」或者扮「喪屍」,而大會為咗大家容易去區分人同鬼,就連選手包都分兩種,喪屍選手包就備有喪屍主題口罩丶喪屍紋身貼紙等......亦都建議飾演「喪屍」的嘅選手,自備破舊衣服,大會將免費提供血漿及色粉,供選手塗上身上,營造最佳嘅喪屍效果。






玩到咁認真,仲未夠。主題活動有幾項﹐最普通係人喪共融跑,無分人定鬼齊齊去比賽,全長約2,000米左右。而比較得意嘅項目係人喪追逐賽,由扮演「人類」嘅參加者先起跑,然後喪屍組開始從後追逐,以小組形式舉行,人類成功避過追捕衝過終點,或喪屍成功於人類身上打上四個手印之組別為勝出。






另外仲有兩大Battle項目,包括人喪困獸鬥、人喪生存戰等,後者係參考《魷魚遊戲》設置六個關卡玩競技,互相鬥智,真係好想去挑戰一下。






10月17日截止報名啦,名額尚餘「100」。






查詢︰forms.gle/tbk72aLFt4X21LKv6






(圖片來源︰星島日報圖片庫)



 


hd