大水坑｜擬增渡輪新航線 料年尾啟航 暢玩大尾篤 吉澳 荔枝窩冇難度
更新時間：13:28 2022-05-05
發佈時間：13:28 2022-05-05
發佈時間：13:28 2022-05-05
字體大小
有冇試過去荔枝窩、吉澳同鴨洲，在馬料水公眾碼頭等到懷疑人生？各位喜歡郊遊的人，而家有好消息！運輸署計劃在馬鞍山大水坑增設新渡輪航線，到時去荔枝窩、鴨洲、吉澳等選擇多了，連去大尾篤都可以搭船，唔使車行吐露港！
運輸現正為吐露港渡輪服務和大眾進行諮詢，新航線在馬鞍山大水坑的沙田 77 區梯台位置開出，即錦泰苑對出的海濱位置，預計會途經大尾篤、荔枝窩、吉澳、鴨洲等地。新航線暫定在星期二及四（包括公眾假期）開出，時間為 9am 在大水坑開出，回程時間約在 5pm 抵達大水坑。如計劃獲批，航線將於今年年尾啟航。
大尾篤有咩玩？
踩單車、BBQ 不在話下，仲有直立板、踏浪艇等水上活動，啱晒坐唔定人士。水上單車有兔仔、鴨仔、天鵝造型，小朋友大愛。喜歡行山亦有選擇，大尾篤家樂徑只有約 1 公里長，45 分鐘內可完成，老少咸宜，仲可以睇到船灣淡水湖同八仙嶺美景。
以直立板深入紅樹林，認識生物多樣性
荔枝窩有咩玩？
臨海而建的 400 年歷史客家圍村，有荔枝窩故事館，展示出傳統客家文化，仲有村民做導賞員，親自帶你遊走百年村落。荔枝窩自然步道長 1.2 公里，貫穿風水林、田野、溪流、白花魚藤林及紅樹林等多種生態環境。
荔枝窩近年更種植了 700 棵咖啡樹，製造港產咖啡豆
吉澳 鴨洲有咩玩？
兩個小島相隔只有 15 分鐘船程，為香港聯合國教科文組織世界地質公園。鴨洲以褐紅色角礫岩及海蝕拱而聞名，亦設有鴨洲故事館，認識漁民生活、文化及古跡遺產。吉澳則有天后宮，其外牆、簷頂，以色彩鮮艷的石灣陶瓷和精巧塑像裝飾。參觀完記得要試埋吉澳正宗手打墨魚丸和客家菜。
吉澳、鴨洲相隔只有 15 分鐘船程，大多數人選擇一次過玩晒兩個小島
更多新冠疫情資訊，請到以下專頁瀏覽
按此 https://bit.ly/3JqiBzz
