日本自由行|北海道三大住宿推介 星野睇雲海 小樽OMO就腳之選 一價全包Club Med+最靚雪場

日本終於開關自由行喇!望穿秋水等足3年,大家是否已好積極在網上搵緊機票喇?年尾去邊?識去一定去北海道!以下介紹幾個北海道精選酒店、resort,睇完好上網book喇!

北海道星野Tomamu度假村 雲海靚景至靚之選
星野大家都不陌生,今年1月resort新開了只此1間的Skier's Suite Room滑雪者套房,面積過千呎超闊落,最多可入住4位客人。套房滿布同滑雪有關的裝飾、設計,居高臨下之餘仲可279度無阻擋睇雪場靚景。套房另一賣點,是設有戶外jacuzzi同桑拿浴室,唔去滑雪留在房內邊歎jacuzzi邊欣賞雪景都夠梳干喇!

除了最新套房,北海道星野Tomamu度假村最出名仲有雲海平台,於1,000米海拔之上近距離觀賞雲海。今年12月1號起仲有聖誕限定活動「霧水クリスマス」,有巨型聖誕樹裝置可打卡外,仲有聖誕限定食品。

網址:https://bit.ly/2RxTI9Y

北海道Club Med Kiroro度假村 一價全包服務 滑雪控之選
Club Med主打一價全包,最啱去旅行咩都唔想諗的懶人。北海道Club Med Kiroro度假村將於今年12月開幕,想住新resort的你要bookmark定喇。

北海道Club Med Kiroro度假村位處小樽市南部及札幌市西部之間的二世古邊緣,雪量大又夠powder,滑雪人士最愛,就算snowboard跌都唔怕痛。度假村由兩幢建築物組成,最大賣點就係在去年世界滑雪大獎榮獲日本最佳滑雪度假村獎項的Kiroro滑雪場隔籬,客人可盡情體驗23條滑雪道,小朋友仲可參加滑雪活動。雪量之多冠絕北海道,下年5月前都仲去得滑雪!

網址:https://bit.ly/3r46Ebz

北海道OMO5小樽 最方便就腳之選
北海道OMO5小樽於今年年頭開幕,為星野集團旗下的城市酒店。北海道OMO5小樽由舊小樽商工會議所改建而成,以港町為設計主題。酒店位於「北方華爾街」美譽的色內町一帶,位置方便就腳。鄰近有當地著名的鱗友朝市,食買玩都夠晒方便。

網址:https://bit.ly/3S5NuxK

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ


hd