馮允謙（Jay）在限聚令下閉關埋頭苦幹寫下新歌《開始倒數》，MV拍攝時更需對着空氣做戲，大考他的演技；Jay自爆以往追女仔每多失敗的瘀事。
Jay說：「呢首歌對我來講好特別，因為喺我生日嗰日大家一齊聽demo，然後揀咗做我今年第一首製作嘅歌，所以對自己嚟講好有意義。」
MV中呈現世界末日前的景象，Jay穿梭於半空、沙漠、冰川、太空，所以從頭到尾都是Jay在綠佈景前和空氣演戲，對他的演技來說是一大考驗。他解釋說：「今次因為要穿越時空，用上好多動畫，我要飛來飛去，變咗大部份時間要同幻想嘅空間做戲，不過我一樣搏到盡㗎，唱歌同彈結他都當真正上台表演咁，真係唱到成身汗㗎。」
在追逐空氣中的女角時，更勾起了Jay在高中時的傷心往事，説：「導演叫我幻想自己追住空氣中嘅女仔，咁我就話，我追女仔好唔叻㗎。其實呢方面我真係好唔叻，成日俾女仔拒絕，果陣喺學校嘅活動，每次邀請女同學做我partner都被拒絕，學校舞會搵舞伴都比較難，可能我嗰個省比較少華人，之後返到香港就唔會咁。」