司棋姐的「萌萌」和「奶茶」先後畢業做天使！唯有先玩住妹妹家的新成員Luna。
「萌萌」喺司棋姐悉心照顧下，17歲才安詳離世。
「萌萌」晚年時行動不便，司棋姐親自為牠剪毛，係個盡責主人。
司棋姐有搞鬼一面。
冇得出外日子，唯有喺社交網拍吓相片自娛。
69歲司棋姐近年過住半退休生活，得閒同朋友出外旅行。
年輕版司棋姐係大美人。
口口聲聲話唔再養狗的司棋姐，昨日喺IG上載一張心心眼抱狗相，相中雪橇BB超萌，她留言：「家族新成員，雖然不是我自己養的，但會時常去探望這位妹妹: Luna。」原來呢隻小型雪橇BB女Luna係胞妹家中新成員，司棋姐跟本報說：「隻狗係我妹個仔，買畀佢啲小朋友嘅，即係買畀我妹啲孫，因為小朋友恨養狗。Luna BB真係好可愛，我尋日去咗糟質狂錫佢一輪。」
因為「萌萌」晚期時體弱多病，司棋姐和家傭出心出力照顧牠，故暫時唔打算再養小狗：「我唔養囉，因為𠵱家抱隻狗都好辛苦，好攰，費事啦，責任太大。不過有時都好恨養，恨到流晒口水，好想養，但講咗唔再養就唔養喇！我同妹妹住得好近，成日去融入佢哋家庭，咪過去玩狗囉！𠵱家冇得去旅行，平日去妹妹屋企玩吓狗，會約埋啱嘴型朋友出嚟玩吓、聚吓，都幾得意，不過唔可以超過八人活動呀！」
