吳君如出席疫苗學堂記者會，育有14歲女兒陳是知的她，表示女兒已打HPV疫苗針，學校亦有教導性知識，不過女兒不清楚癌症成因，但經常提醒只有14歲未發育完成，所以不應該有性行為。她說：「我強烈告誡佢要發育完成，先可以決定做呢啲行為，我都話起碼要18歲啦！」
談到年輕人早婚問題，君如即謂不可以，亦有經常問女兒可有拍拖？不過好多事難以控制，她說不知女兒社交網密碼，但會相信女兒。問到女兒可會主動傾訴？她笑言不會，現時少女喜歡收收埋埋，更笑謂跟另一半陳可辛在家中只是做道具，得閒等女兒講句他們知。她說：「最緊要陪女兒睇她喜歡睇的戲，我同她喜歡睇的不同，她鍾意睇美劇、愛情片同超級英雄電影，所以乜都有，性教育唔使特別去講，任何關係她都知，只要從旁引導她。」