揚言喜歡開朗活潑女仔，被指跟「細細粒」陳嘉佳(小寶)外型好合襯嘅何遠東「找數」幫細細粒慶生。5月29日係「細細粒」35歲生日，昨晚何遠東抽空請壽星食Omakase(日本料理廚師發版)，不過唔係二人世界，同場還有「細細粒」經理人John及好友張秀文(Sammi)。何遠東唔避忌攬實壽星女影相，「細細粒」亦欣然接受，望住何遠東心心眼。

「細細粒」最愛就係食，當晚嘅廚師發版食得相當豐富，包括有拖羅、生蠔、帶子、海膽等，食物質素也相當高，「細細粒」食得相當興奮，更親自餵何遠東食壽司，兩人相當Sweet。

何遠東留言：「找數啦（陳嘉佳）生日快樂好朋友，繼續同你慶祝生日，最緊要身體健康，今餐飯滿分，美食不能盡錄，請睇story。」小寶留言：「生日飯腳，年年都係佢哋，因為我哋係好朋友囉。」有網民追問小寶係咪同東東拍拖？又有指兩人好合襯。