擁有F級導彈身材的鄧月平（Larine）於抗疫期間冇工開，所以不時都去野餐、行山消磨時間，而近日她於社交網貼出的靚相均Tag了一位男友人，令外間猜測她有新戀情！對此，Larine未有作任何回應，不過昨晚她卻於Instagram（Ig）上載了一條自拍片，表示晏啲有嘢會向大家交代清楚，片中，她神色凝重地說：「我今日拍呢條片，其實係有啲嘢想同大家講，呢件事係經過我幾個月嘅深思熟慮同策劃而決定，好多謝身邊一直支持我嘅粉絲、經理人同朋友，希望大家會尊重我呢個決定。」此片一出引發網民熱議，有網友問：「休息？結婚？」、「退出娛樂圈？」、「有咗BB？」，並紛紛表示又驚又好奇！