抗疫期間周圍都唔去得，對於不少鍾意去旅行的香港人來說，大半年冇得出埠都好煎熬，於是乎大家近日都紛紛於社交網上載度假照「Throwback」一吓開心嘅時光，又或者Book間酒店「Staycation」當自己去咗外地，好似「IG女神」倪晨曦（Elva）咁，近排都不時同網民分享吓舊照，昨晚她就貼出3張夕陽下在池邊影的泳裝照，並留言：「假裝在渡假，好天氣的確讓人精神一振。」相中，穿上黃色碎花一件頭的Elva輕露事業線，又大晒一雙42吋長腿，一眾網民睇見紛紛讚：「女神很美，腿很長」、「So beautiful」、「身形好Fit」、「我覺得你的腿都到我脖子了」，亦有人表示「想去玩水，可惜身材塞唔入泳衣」，Elva都好即刻回覆鼓勵對方：「做運動！」