吳若希（Jinny）到電台接受鄭裕玲（Do姐）的節目訪問，Do姐提到Jinny已育有一女，今胎佗B仔可以收工了，Jinny即笑言：「Plan緊老公去做結紮手術，老公問過有醫院二人同行就會平啲。」被誤會以為夫妻都去結紮，Jinny稱是老公跟朋友去。
獲老公Alex陪去受訪，Jinny起初在節目都讚老公，指老公以前好少爺仔，未當爸前會做很不成熟的事，當爸後放下了部份貪玩的一面，會懂得照顧。不過當宣傳今次新唱片其一中首歌曲《麻醉》時，Jinny則爆料是跟老公的寫照，自言每次聽都好嬲但又好鍾意。她說Alex跟她開始拍拖時好多謊言，用很多大話蓋更多的大話，但因為公開認戀了不久，不能肉酸給人看，所以就如歌詞「演好一對情侶，愛到我們入睡」一樣。
Do姐問現在二人關係是否已昇華？Jinny再笑謂：「我哋依家冇乜感情！OK嘅，好嘅，佢都進步咗好多，我哋大家都互相為大家包容、忍讓、進步、改變，開心嘅，除咗夜晚臨瞓之前似同屋住多過夫妻。」Jinny又讚老公這方面較著緊她多點，始終夫妻相處久了感情會淡，老公經常會說陪她拍拖落街行，她就想留家陪女兒。