陳柏宇昨日同老婆符曉薇（Leanne）帶埋1歲囡囡Abigail去玩親子瑜珈，仲找來「星級名師」倪晨曦（Elva）來指導，Leanne與Abigail齊齊穿上母女裝Cute到暈！事後眾人於IG上載合照和短片，片中Elva輕鬆擺出標準動作，陳氏夫婦就簡單盤腿坐、擺吓「高弓步式」Pose影相，至於Abigail在倒數123一刻，即從爸爸懷中跑到鏡頭前坐低，非常搞笑！之後俾媽咪抱住影相，Abigail又藐晒嘴仔狂掙扎，見囡囡完全失控捉唔實，Leanne都留言：「影張合照都咁難。」難怪Elva都笑謂：「和小朋友合照只能自High。」另一張合照中，Abigail「驚恐」地跟Elva對望，Elva代入Abigail搞笑寫道：「內心OS：我不要做瑜珈。」相當趣怪，快將做媽咪的她仲母愛氾濫，大讚Abigail可愛！