黃建東（阿東）於TVB劇《迷網》一改平時搞笑可愛形象，飾演患有精神病嘅會計師，病發時更要用仙人掌挾持人質，「自己以前多飾演受害者，今次可以有呢個機會很難得，事前睇咗好多關於精神病嘅電影做準備。劇情講述我病發時正在做頭部針灸，頭皮上插滿針又要發癲箍頸同埋用仙人掌攻擊楊玉梅，差啲拮親自己又拮親人，所以入戲之餘都要好小心。」阿東好感激對手楊玉梅和楊明對他好信任，使他很快入戲之餘又很放心去做。



而劇中阿東更需要穿上精神病院保護衣在輪椅上聲嘶力竭地扮發病，令他體會病者的痛苦，「其實著咗件保護衣被綁住喺輪椅上面乜都做唔到好攞命，感受到精神病人內心嘅巨大痛苦又束手無策，拍完之後聲沙咗幾日，希望大家可以感受到精神病人的苦處，多些關心和體諒他們。」