自麥德羅、女友劉麗萍及旗下女歌手施匡翹和宣傳人員阿佳前日（18日）確診新冠肺炎後，4人在潛伏期內曾與不少職藝員接觸，引起娛圈爆疫恐慌，眾人為安全著想，無論曾直接或懷疑間接接觸者都去做檢測。
早前到電視城錄影《勁歌金曲》節目的樂隊Dear Jane，當時曾與阿佳接觸。主音Tim昨晚在ig貼上戴口罩半臉照率先報平安，留言：「都收到好多message。LOVE!! 我地（哋）DearJane檢測完 全部都陰性。冇事。We tested negative。We good。當日我地（哋）都冇近驅（距）離接觸甚至冇接觸到確診者。希望所有人都平安冇事。亦都願祝確診嘅盡快康復。大家繼續頂住，大家一齊撐著，讓大家一齊找到心安。」
Dear Jane官方ig今日亦發文：「收到好多message 多謝大家關心，我地（哋）樂隊接受左（咗）測試，全部屬陰性，無事，we are good ! Thanks for caring ! We tested and the result is negative。當日工作時，我地（哋）沒有近距離接觸確診者。同時希望所有人平安冇事，亦祝願確診者早日康復，大家繼續保持衛生，唔好鬆懈，希望疫情快啲過去。」
成員Jackal則貼倒樹蔥照留言：「Test左（咗）係negative 個人就 Positive 多謝大家關心 注意衛生，唔好鬆懈。Stay safe !」