香港呢幾日陽光普照，日日高溫達34度，行一行出街都會爆汗，要開工梗係會更加熱啦！好似呢排開緊TVB新劇《刑偵日記》嘅王浩信同惠英紅，呢日仲要拍外景，唯有靠自己諗計降溫，浩信就Post咗紅姐攞住個風扇仔吹自己又唱埋佢，要影后親自服務，浩信當然識做留言鳴謝，「爆汗程度亦都非常母子！人造自動送風，30幾度涼一涼，爽啊！多謝媽子！」睇嚟兩人第一次合作就演母子喎！