熱播劇《殺手》係「十優港姐」麥明詩（Louisa）最後劇作，劇中飾演視障鋼琴老師，黎耀祥的女兒「閻素之」，雖然戲份唔算太多，但算幾搶鏡，尤其爆喊責怪被爸爸仇人搞到家破人亡，她也變了失明，呢場喊戲帶畀觀眾有驚喜。

原來Louisa為咗呢個角色，開拍前做咗唔少準備功夫，噚晚她「閻素之」上身，喺IG上載咗一條蒙眼彈琴片，留言表示：「為了演繹一個失明嘅調音師，當時花了半年時間練習鋼琴，用耳朵觀看世界，用雙手觸動心靈，練習樂器是消磨時間的好方法。」擁有八級鋼琴資格嘅Louisa表現得揮灑自如，信心滿滿的，仲以素顏示人。

她話有成10年冇睇鍵盤彈琴了，吳若希、譚嘉儀都大讚她好勁，好多網民讚《殺手》係Louisa最出色嘅作品，好可惜沒有下一套。唔少人讚她做事認真，佩服她毅力，對她印象改觀，還有網民錯焦點，話如果她可以着返當日教江美儀彈琴，胸口脹卜卜嘅緊身衫上陣，效果會更理想呢！