自從陳展鵬和太太單文柔升呢爹哋媽咪後，就不時於社交網晒囡囡陳諾瑤（小豬比）萌照，昨晚展鵬又貼出小豬比開心玩草帽仔的照片，他留言：「有新玩具玩心情特別興奮。」觀乎留言中的Hashtag，估計新玩具正是一部新相機，展鵬唔只影愛女，仲拎埋出街影老婆去超市買嘢。而平時做開Model俾人影的單文柔，有咗呢件「玩具」後都化身攝影師，親自操刀為小豬比拍下成長紀錄，昨日她更連出3個Po，全部都係愛女的Cute爆Close-up樣，展鵬都忍唔住搞笑留言：「佢係話你影夠未呀！」不過，見三張入面有兩張「鬆郁朦」，單文柔的攝影技術似乎有待改進，連展鵬都表示：「有質素嘅攝影，捕捉得唔錯！不過未算最靚，都要等我出手。」對於老公的批評，單文柔就耍花槍覆：「大膽。」