陳凱琳去年為鄭嘉穎誕下大仔鄭承悅（Rafael），今年5月宣布再度懷孕。二人今日在社交網貼上一家四口幸福照，公佈幼子出世；嘉穎留言：「細佬來了，母子平安，非常感恩❤️」。
7月27日誕下幼子Yannick的陳凱琳，亦分享再做媽媽的喜悅。她說：「好開心可以跟大家公佈呢個喜事、好消息，BB係上星期一7月27日出世，依家我同BB已經安全回家，大家so far好融洽、屋企環境、大家相處，大仔Rafael做哥哥都好乖，睇到BB時都好幫手，又幫手睇吓BB、望吓BB，大家非常之安慰。同埋今次比起生第一胎有心理準備，所以自己的心情都唔錯，總之整個過程好順利、暢順、喜悅。多謝大家祝福，嚟緊都會多休息，依家情況希望大家安安全全留在家，盡量都唔會出街，坐月都會呢個月留喺屋企養好身體。」