因為疫情，好多藝人嘅廚藝都光速進步，如蔡卓妍(阿Sa)，佢對澱粉類特別有興趣，如整包。今晚佢就處女首整意大利粉，雖然有攪麵粉機、壓麵糰及麵條機幫手，佢只要將所有材料放落攪麵粉機，攪到咁上下就用手搓番啱呎吋，然後放落麵糰機壓平，最後再用麵條機，一條條粗幼相若嘅麵條就面世嘞。

之後加啲茄醬同肉，一個碎肉蕃茄意就完成，對於自家第一次，阿Sa打咗咁嘅Tag #好好味呀， 睇嚟佢好滿意。