無綫劇集《殺手》大結局，黎耀祥飾演的閰武設計捨身救女兒，陳豪就假死換重生，黎耀祥之死最傷心是情人知己江美儀飾演的阿嫻，及龔嘉欣飾演的Dark Angel，因其去世男友「建義」的心臟當年移植了給黎耀祥。至於麥明詩飾演的女兒閻素之，在黎耀祥捐出器官救活後失憶，重見光明的她只由江美儀告知他們父女情。當中閻素之名字來自「鹽酥雞」，因為當年阿之生母誕下女兒後致電黎耀祥，黎正在台灣攬住第二個女人食鹽酥雞。
江美儀昨夜在結局播出後，於社交網留言：「《殺手》今（昨）晚大結局，我要同Lulu／阿嫻講聲再見啦。多謝監製阿Joe比（畀）呢個機會我去認識同演繹一個我完全無接觸過嘅行業；多謝編劇組同事寫咗一個悲劇人物比（畀）我，令我過足戲癮。多謝我訪問過嘅性工作者朋友毫無保留對我嘅信任；多謝我嘅好拍擋祥哥對我的包容，好開心我哋又一次非常有默契嘅合作；多謝所有台前幕後工作人員對我嘅照顧同埋鼓勵。最後當然就係多謝一直支持我哋嘅觀眾朋友啦！多謝！多謝！多謝！希望你哋會記住Lulu／阿嫻啦！」
龔嘉欣亦為劇終作出感言：「Dear Dark Angel !!感謝你為我帶來的一切 我會記住你的暴烈與溫柔！蓄勢待發，期待下一次任務，再為大家帶來驚喜🔪❤️」。