新冠肺炎爆發，電台與電視台相繼「失守」有員工確診，令人人自危。現正拍攝劇集《七公主》的江嘉敏（Kaman）因大腿出紅疹懷疑中招，自爆去做新冠病毒肺炎檢測，結果呈陰性令她安心。
Kaman在社交網貼上素顏、大腿出紅疹和化驗報告呈陰性的相片，留言：「話個好消息俾（畀）大家聽，我嘅COVID-19報告係陰性 ɴᴏᴛ ᴅᴇᴛᴇᴄᴛᴇᴅ！開心到素顏落街食咗個飯。」她續謂：「其實如果唔係緊密接觸者，或者冇病徵嘅人，真係唔使去check住，因為醫護人手不足，加上個test數量又唔係多，只要我哋多注重衛生，勤力洗手消毒，其實已經足夠。點解我會去咗驗，因為我拍完出浴戲當晚，大腿上面即刻出咗紅疹，嚇到我馬上停晒手上所有工作，留咗係（喺）屋企，直到報告出嚟！」