對比𠵱家嘅演出，當年湯怡做美女廚神時，面對鏡頭相當驚青，冇乜自信。
湯怡透視裝現身宣傳活動。
戲中首集經已同浩信有牀戲，湯怡預言稍後仲激。
湯怡條長腿都好吸引。
就算素顏湯怡都幾索。
等咗14年，有「少女版黎姿」稱號嘅湯怡終於上到位。
問有否叫朋友支持？湯怡表示：「收到好多朋友cap相畀我，但都係十幾年前做《美女廚房》嘅相，我最近都收到幾次，一直都唔敢睇、唔敢面對，當時做美少女廚神，第一次面對鏡頭，又行Catwalk又煮餸，驚驚青青唔敢表達。」
提到一出場便和王浩信做牀戲，湯怡預告還有更激演出，將會在車廂中進行，湯怡與陳家樂在電影《死因無可疑》都有牀戲，問是否更激？她笑說：「我覺得係，因為同家樂冇乜感覺，大家太Friend，浩信氣場太勁，搞到我提心吊膽。」
