本月6日28歲生日的蘇麗珊日前跟好友湯怡在家中慶生，後者更為「壽星女」親自下廚煮了5道菜，湯怡於IG搞笑留言：「我女神係皇后。嗯，如果我都可以做一日皇后就好喇，唔使做，淨係喺隔離笑吓就有飯食，好幸福丫。係蘇麗珊先有咁嘅魔力，不過一年一次㗎咋 知道無？#我女神姓蘇 #iloveyousolaishan」蘇麗珊即Sweet爆回覆：「其餘嗰364日都係你做皇后。」又難怪壽星女把口咁甜，事關湯怡不單止煮咗餐飯，仲整埋蛋糕、一早焗咗個「專屬麵包」俾蘇麗珊，至於點解係「專屬」？因為切開後發現，裏面係砌咗「C C SO（蘇麗珊英文名Cecilia So簡寫）」同心心，真係好有心思、好有愛呀！蘇麗珊都不禁驚嘆：「呢個女仔好黐線，整咗我個名喺個麵包入面，又煮勁多嘢俾我食，仲整埋蛋糕，媽！好幸福啊～～～～～ I LOVE YOU YUENKAKA」