蓋世寶早前接受到新城知訊台節目《詩情廿四味》主持人倪詩蓓訪問，倪詩蓓追問蓋世寶，離開TVB後是否因為收入少咗，而被迫變賣家當？蓋世寶坦言當年知道TVB兒童節目要Cut嘅時候，就開始要諗吓點樣慳啲︰「私家車唔係必需品所以賣咗；手機都係無限上網，還Cut咗Wifi︰「我本身都好少睇電視，所以屋企都冇電視。」倪詩蓓聽到連電視都無覺得很驚訝，更高呼︰「駛唔駛慳成咁呀？」

蓋世寶多才多藝，而擔任兒童節目主持亦超過20年，前公司為此向她頒發兩面「老人牌」作感謝，倪詩蓓問到「係咪真金？」蓋世寶表示冇研究，不太清楚︰「我交咗比媽咪處理，我鼓勵媽咪去賣咗佢！」

蓋世寶坦言，離開無綫後九個月即使沒有工作，寧願留喺屋企都拒絕出席生日Party及船P︰「我本身唔係好鍾意參與呢啲活動，感覺太有目的，唔識啲人做乜要去？加上聽聞會有本數簿，只要出席過一次呢類型嘅活動就會被點名，我唔鍾意有手尾跟。」