輝哥好錫「前世情人」張卓姿，阿囡話想食魚蛋粉，他即行動。
去咗英國求學返港嘅張卓姿，好掛住港式美食，當日食完魚蛋粉再食西多士，好開胃。
16歲張卓姿亭亭玉立，好有少女味，帶點鍾嘉欣同李嘉欣混合體。
兩父女經常孖住去做運動。
輝哥會撇下老婆同囝囝，父女二人一齊行山。
阿囡由細到大都好黐輝哥，父女感情相當好。
輝哥忙拍TVB新劇《飛虎之壯志英雄》，但都盡量抽時間陪伴家人。
張兆輝在內地劇集《錦繡南歌》中所飾演「沈將軍」，深受觀眾歡迎。
Previous Next
張兆輝出名係「24孝父親」同埋「暖男老公」，上月「前世情人」張卓姿（Twiggy）16歲生日，輝哥着返套西裝，同屋企人嘆高級意大利菜慶祝，錫到個女燶。雖然最近輝哥忙拍TVB新劇《飛虎之壯志英雄》，但聽到阿囡想食魚蛋粉，即車佢去筲箕灣東大街食著名魚蛋粉，呢個爸爸真係冇得頂。

 

噚晚輝哥喺社交網站上載圖片，留言：「已經二個星期冇外出了，個女話好想食碗魚蛋粉，世（勢）估唔到咁樣食魚蛋粉、苦中作樂、好笑也好傷感、要相信疫情很快過，齊心就是力量，明天會更好。」網民都羨慕咁話：「做你個女真幸福！」限聚令下張兆輝同朋友一齊坐，就算張兆輝同囡囡分枱坐，但兩父女一條心，眼見個女食完魚蛋粉，又追加西多士及飲朱古力奶咁好胃口，真係心到甜埋。輝哥亦好守規矩，食完嘢即戴返個口罩先繼續同朋友吹水，雖然外出用膳，但防疫意識好高。

 

16歲張卓姿亭亭玉立，好有少女味，樣子帶點鍾嘉欣同李嘉欣混合體，係索爆星二代。就算食多咗，張卓姿都唔怕會肥，因為她經常跟輝哥行山同跑步，同嗲哋一樣Keep得好fit。