雖然「城嫂」方媛（Moka）早前捲入「天王嫂訓練營」風波，但事件完全冇影響到其心情，仲繼續風騷坐豪華遊艇出海，又晒一家四口溫馨慶生照。昨日七夕，圈中愛侶都紛紛於社交網貼合照「放閃」，不過Moka就未有分享點同老公郭富城（城城）慶祝，反而一口氣上載了4張單頭沙灘寫真，並留言：「乘風破浪，七夕快樂！」唔知係咪暗示她與城城的感情無懼負面消息影響呢？然而，今次相中焦點並唔係Moka嘅咩泳衣或有幾性感，而係她用嬌軀壓住嗰件「道具」！穿黑色單肩小背心襯黑裙、一身名牌的Moka，瞓喺港幣15萬元一塊的名牌滑水直立板上，真係好奢華，難怪一班網民都嗌羨慕。