去年四月，何超蓮承認跟竇驍拍拖，兩人愛得高調，會將甜蜜旅行相放上網。七夕咁大件事，不在女友身邊的竇驍好識做，越洋送花。
超蓮喺酒店房食飯期間收到電話。
電話另一方話有機械人到達。
超蓮即刻走去開門。
半個人咁高嘅機械人拎住花企喺門前。
超蓮一見機械人即刻「哇哦」一聲表示驚訝。
超蓮讚機械人好可愛。
收咗花甜在心嘅超蓮多謝竇驍送花畀佢。
超蓮愈笑愈開心。
拎住紥花嘅超蓮愈行愈近鏡頭，明顯可見佢笑到見牙唔見眼。
最後佢祝大家七夕快樂。
呢對熱戀情侶拍拖拍得好開心。
日前，愛上玩抖音的超蓮上載同男友喺家中熊抱片段，全片兩人又摸又抱又攬又錫，甜度極高，以為已經係終極放閃?未算囉，七夕當日，正身處南京並在酒店接受隔離的超蓮喺酒店房邊食嘢邊吹頭，然後電話響，着住浴袍嘅超蓮跑住去聽電話，從而得知有機械人到咗房門口，超蓮急行去開門，就見到半個人咁高嘅機械人拎住紥玫瑰花。
