蕭正楠跟黃翠如夫妻檔賺外快，二人以護膚產品擔任代言人身份，隔空跟馬來西亞主持人於網上直播宣傳。直播期間二人有不少有趣互動，雖然都是鬥嘴居多，但網民覺得非常「甜蜜」紛紛表示羨慕。翠如笑言他們的相處不是「甜蜜」路線，正確路線「虐待」。
談到夫妻檔合作，黃翠如笑說：「我以為係再次搵我再順便搵埋佢（蕭正楠），但我到拍攝現場先知道，係先搵佢順便搵埋我。」主持提到廣告中翠如眼神非常甜蜜，黃翠如笑說：「唔係呀！我成日仇視佢。」蕭正楠笑說：「我活在恐懼中你唔知啫！」兩人先後分享到護膚心得，翠如又大爆阿蕭懶做護膚，她笑說：「佢成日都話自己太靚仔，令到觀眾忽略佢嘅演技，所以佢拍廣告嘅時候係咁加對白。」蕭正楠笑說：「係呀！但無幾耐導演就話無需要，因為廣告都係30秒。」

隨後，二人又即場玩快問快答。主持問到阿蕭送給翠如第一份禮物？阿蕭答是其個人大碟，翠如則答是維他命片。阿蕭笑說：「維他命片係我哋仲係同事嘅時候，當時拍劇佢唔舒服，怕佢惹埋畀我，我去咗藥房買維他命片畀佢。我就認為係我嘅CD，我送畀佢喺車聽，不過佢好快就拎返出嚟。」