陳柏宇（Jason）由周六（8月29）起連續三日清空社交平台ig內post，即時引起好多粉絲關心，更紛紛在其囡囡Abigail的社交平台內留言問：「話說陳生個ig咩事」。Jason見fans咁擔心，即透過唱片公司同大家報平安，自己私人及工作方面都好愉快，大家唔使擔心，「只係嚟緊會有啲全新動向，明日中午就會喺ig同大家公布，到時大家要留意啦！」佢仲強調絕對係個好消息，咁粉絲可以放心晒啦！