最近TVB深夜重播《使徒行者》，不禁令人想起當年吳若希憑洗腦嘅主題曲《越難越愛》走紅，橫掃多個大獎，如勁歌金曲「金曲金獎」、第14屆全球華語歌曲排行榜20大金曲及十大中文金曲獎。老婆唱主題曲嘅劇重播，做老公嘅當然要瞓身支持，吳若希老公何兆鴻（Alex）就喺IG放上與3歲愛女Giselle坐定定睇電視的合照，加上臉上的彩繪和貓耳好搶眼。Alex表示由今晚開始，要「同一時間坐定定睇電視準備畀人洗腦」。