馬國明與湯洛雯自從6月公開認愛後，一直愛得黐纏同高調，他不時跟女友喺社交網上互動，隔空放閃！昨晚靚湯預告會為代言品牌開直播，馬明即留言說：「9點見。」向來口爽爽的蕭正楠亦加入留言：「哇！呢啲老公邊度搵？sorry sorry 男朋友先啱。」並附上思考中的圖案，令網友起哄「湯馬」是否已婚？靚湯見群情洶湧即回覆阿蕭說：「朋友，你好悶嗎？」

 

今日靚湯又再度在限時動態否認結婚，並寫道：「冇閃冇婚，冇冇冇，重要嘅嘢要講三次！」並附上無奈公仔，未知「多嘴蕭」今次會否得罪人喇！