有網民在facebook群組「食在元朗」發圖，稱在街市買了蟹回家，拆開一開全部內臟都是墨綠色、灰黑色的漿狀物體，嚇得不敢吃，趕忙找商戶退錢。有網民質疑，街市檔口出售懷疑死蟹或從坑渠捉的蟹。

事主Winnie Yeung投訴，「今日元朗同益街市買，佢話係奄仔！」相片中可見，內臟充滿墨綠色、灰黑色酷似淤泥的骯髒物。事主一望就覺得「好恐怖，唔敢食」，於是回去街市退貨。事主透露，「我去到淨係畀張相佢睇，佢跟住就叫我拎返啲蟹俾佢，我梗係有準備啦，即刻俾佢，叫佢自己打開膠袋睇，點知佢睇都唔睇，成袋丟埋一邊，二話不說比返$100我」

其他網民紛紛猜測買到黑蟹原因，有人估計是「臭渠貨」、「坑渠蟹」，但也有人懷疑是否只是淤泥，事主沒有清洗沖刷乾淨所致。

有網民猜測「黑心蟹，呢幾隻肯定輕飄飄」，事主說「唔輕㗎，重手， $96一斤，呢兩隻$100 」。又有網民猜測是否死去很久，但事主說「返屋企兩個小時後臨煮之前都仍然好生猛，焗熟之後完全冇臭味」