噚日係時裝設計師鄧達智（William）與同性伴侶陳梓欣醫生（Clement）結婚3周年，兩人入住一間酒店，並跟友好對住海景食飯慶祝。他喺社交平台分享慶祝照，相中見William喺酒店套房入面同陳醫生及友人碰香檳，房內有紫色氣球，仲有個LOVE字氣球佈置添，相當浪漫。笑咪咪的鄧達智留言標籤「要幸福喔」，sweet爆。

鄧達智7月下旬時確診新冠肺炎，治療期間發冷發熱相當辛苦，當時同性伴侶陳醫生都要入住隔離營。不過，陳醫生一出關，即為送上飽魚愛心午餐，隔空為他打氣，兩人情比金堅。唔少網民都留言祝賀，祝兩人愛到白頭，要幸福到老。