今年哥哥生日，唐唐送上年哥哥私人生日會上從未曝光過嘅靚相，留言：「分開也像同渡過... ...生日快樂」。
唐唐過往都有分享哥哥的生日會照片。
至今唐唐仍然懷念哥哥。
唐唐也時常分享同哥哥甜蜜合照。
當年哥哥為唐唐祝壽，唐唐個樣勁Sweet。
喺朋友圈，唐唐及哥哥出雙入對。
今日環球唱片為哥哥推出《REVISIT》專輯，超正。
古巨基上載哥哥「歐陽鋒」造型相，簡單寫上：「生日快樂！」
Previous Next
今日係張國榮（哥哥）64歲冥壽，生前一直守護住哥哥嘅摯愛唐鶴德(唐唐)，一如往年，今年都有喺社交網站發文懷念哥哥。今日踏正零時，唐唐上載一張哥哥從未曝過光嘅生日舊照同fans分享，仲引用哥哥經典歌《共同渡過》歌詞留言：「分開也像同渡過... ...生日快樂」從而對哥哥表達無盡的思念。

 

生日舊相應該攝於98年哥哥嘅私人生日會上，壽星哥哥着住白恤衫襯黑色西褲，風度翩翩，切完滿佈公仔嘅巨型生日蛋糕，笑容滿面，似乎好滿意朋友為他嘅精心安排。

 

各地哥迷多謝唐唐分享相片同時，留言祝天上哥哥生日快樂，承諾繼續寵愛哥哥，也祝唐鶴德健康快樂，叮囑他要好好保重。另外，古巨基、戴夢夢等都有放相懷念哥哥，古巨基放「歐陽鋒」造型相，簡單寫上：「生日快樂！」網民留言「型到裂」、「永恆明星」、「想念哥哥」。而戴夢夢凌晨聽到環球唱片重製哥哥的永恆金曲《春夏秋冬》，有感而發留言：「啱啱係收音機聽到嘅呢一把聲音，從未曝光嘅遺珠錄音，全新嘅編曲，我喊咗出嚟，多謝你，REVISIT #春夏秋冬#Gary哥」