今屆港姐選舉已完滿結束，一眾落選佳麗都好善用社交平台吸Fans，本屆最大年紀，何君堯侄仔女友，26歲擁碩士學歷的黃婉恩（Yancy）亦頻頻更新IG，最新有約埋同屆落選港姐，23歲嘅廖慧儀（Jessica）一齊行山。靚過參選嗰陣嘅Yancy攬實Jessica影靚相，並留言，「第一次同廖慧儀行山，同新朋友一齊有唔少趣事發生，例如一齊唔記得重新搽過太陽油。」覺得自己已曬黑嘅Yancy表示自己唔鍾意曬黑，所以未來一個月應該會留家「洗白」自己，佢仲問網友有無美白產品推介。