黃建東向來至叻扮嘢同搞二次創作，搞笑能力𠱁得觀眾都好開心，不過今次佢可能搞笑搞出禍！事源佢以嫦娥造型，同應屆港姐三甲合照，仲同勁得觀眾歡心嘅靚靚冠軍謝嘉怡（Lisa）玩Selfie，本來佢呢個走樣肥嫦娥真係幾得意嘅，點知佢竟然留言話：「我化完妝之後，同Lisa直情係餅印，都係啲混血美女。Hello妺妹~」即時搞到網友紛紛派負評，「咩料呀？」、「放開個女仔」、「唔好嚇親小妹妹啊！」、「嫦娥大姨係月亮上面唸多咗！」放心網友都係同阿東搞吓笑啫！